اشهد اني لغيره بالغلا ماعطيت...
واشهد انه بغاني مير ما من عوين
صحت من قلب ياويلي على اللي هويت...
وقمت امسح دموعي من يسار ويمين
لاطرالي حبيبي بصوت واطي حكيت...
إنا لله وإنا للولي راجعين
حتى الذي ضرني لا ضاق يحزني...
ماعندي أعداء ، كل الناس صدقاني
معنى الحياة بعينها صحوت الموت...
شهود صلوا والمملك دفنها
وكوشة فرحها حولوها لتابوت...
وكليلها الأبيض بقايا كفنها
تبريكهم أصبح عزا يجرح الصوت...
صرخة ويبابه تشابه لحنها
غصب عليها تقبل الوضع بسكوت...
مهره وعادات البداوة رسنها
أغضت وصدت وأنطلق صوت مكبوت...
لابو تقاليد الحياة وسننها
وراحت معاه بقلبها حرف منحوت...
يبقى معاها يطوى بدنها
وراحت وبركان القهر لاتها لوت...
تبي تصيح وفيه خوف سكنها
راحت وصدى كلماتها زلزل بيوت...
لابو تقاليد الحياة وسننها
تشوف عيني جملة الناس عدوان...
وعقلي يقول اصابعي ماتشابه
وقلبي تبلد من عقب جرح خوان...
ماعاد يرد العلم عقب الاصابه
في صمت تجري بي تصاريف الازمان...
امشي وعلم الغيب مايندرى به
واحس بالغربه وانا وسط اوطان...
يتيمة بين الاهل والقرابة
اوراق مع ظرفين , صورة وديوان...
والغلطة اني مدمنة بالكتابه
جيتك من الفرحة على مهرة الشوق...
تسبقني الخطوة على الدرب قدام
جيتك ولا ابالي ولو يطلع العوق...
جيتك وأنا شوقي موزعني أقسام
لا لا تهمك ناس ماتعرف الذوق...
يسرون تال الليل والصبح صيام
ياعم لامنطق ولافيه منطوق...
بعها تراني بايعتها للإعدام
إخذ الرطب قول النخل يثمر عذوق...
خيب رجا اللي يرتجونه من العام
واضرب على الكايد ان ماجات برفوق...
مليت انا وياك من عد الأيام
لله ابشكي (حيرتي ) لله رب العالمين...
وامد له كفي (دعا) يالله عفوك ياجليل
يامنتهى (الشكوى) إله العابدين الصابرين...
يالله (عونك فزعتك) همي على قلبي ثقيل
واضحك واجامل وادعي بالفروحي...
وبداخلي نار وتجاريح وصياح
واحاول اخفي جروحي بروحي...
واخيط جرح وتنفتق عدة اجراح
وان قربت دمعات عيني تفوحي...
الله أكبر ، صار لي قلب مزاح
خلونِي أعيش العبره دون عنوان ...
طيف يمر بلا رقابه وحارس
يمه يايمه فديتك لاتخليني...
بعثرني الهم وأبغى يديك تجمعني
يمه افهميني تراك ان مافهمتيني...
مافيه شخص بهالدنيا بيسعمني
ماعدت انا طفلتك كبرت شوفيني...
خليك يمي ترى الا طماع تتبعني
لا تدلليني أبي منك تدليني...
وابي ايديك تداعبني وتصفعني
ولا انهد حيلي أبي عطفك يقويني...
ياما كلامك على الشدات شجعني
وان جيتك ابكي ابي منك تهديني...
مابيك تبكين أبغى العقل ينفعني
يا مملكة عطف يا عطر الرياحيني...
براثن الهم والهوجاس تلسعني
بسمتك عندي الا من ضقت تكفيني...
وارضاك عني عن الاحزان يرفعني
اسمى العلاقات تربط بينك وبيني...
ياللي احضانك ان ضاق الكون تاسعني
لك احترامي وحبي والوفا فيني...
وفيك اروع الحب مايخطي ويخدعني
الناس سدّادة سلف يوم الرخا باكر يضيع...
ما بي اسوي حاجة أصبح عليها نادمه
أبحث بقلب التجربه وآخذ من أحداث الجميع...
عبره تساعدني على صدمات وقت قادمه
بعطي واسامح للبشر وأحسن مع الكل الصنيع...
حتى إذا جار الزمن القى صديق انادمه
ودي على طول الزمن أكون منديل الفجيع...
أحب أعمّر ما أرتضي أكون لحظة نادمه
Page 1 of 3.
next last »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.