ضايقه بالحيل محتاجه اشتكي...
لولا طبع فيّ يمديني شكيت
بس أدور عذر منشان البكي...
لو يدوسون بطرف ثوبي بكيت
كل ماجيت اتريح وارتكي...
يزدحم في خاطري الفين بيت
ويش بيدي افعله غير الحكي؟...
قاصره خطوات رجلي لو مشيت
أسرعي يانفس موتي واهلكي...
صرتي همي يوم بالدنيا شكيت
ترى الذبايح واهلها ماتسلينى...
انا ادرى ان المرض لايمكن علاجه
ادرى تبى راحتى يابعد عينى...
حرام ماقصرت ايديك فى حا جه
اخذ وصاتى وامانه لاتبكينى...
لو كان لك خاطر ماودى ازعاجه
ابيك بيديك تشهدنى وتسقينى...
امانتك لا يجى جسمى الثلاجه
لف الكفن فى يديك وصف رجلينى...
ماغيرك احد كشف حسناه واحراجه
سامح على اللى جرى مابينك وبينى...
ايام تمشى عدل وايام منعاجه
عيالى همى وانا اللى فى يكفينى...
علمهم الدين تفسيره ومنهاجه
من تربي مثلي فبيت عزٍ مايخون
غاليه بالحيل بالحيل عندي سمعتي
لاترفع الصوت ماني فيك مجبوره....
قررت دربي وصوتك ما يوقفني
أرضى أنا بقاسيه أرضى بمغروره...
ولا أرضى بعشرة حبيب ما تشرفني
ياما وياما وياما قلت بحروره...
حاول تغيير ترى وضعك يكلفني
خلنا نتفاهم تعال نوضح الصوره...
إما انت تمشي معي او لا توفقني
مسرور فيني وانا مانيب مسروره...
حبي يشرفك وحبك ما يشرفني
يامدمن الهم كافي دمع بالليلي...
بكره تشبع من الدنيا ومصايبها
دنياك والله ماتسوى التزاعيلي...
حتى ولاهيب كفو الي يعاتبها
لاخير بانسان رمى ثوب ماضيه...
وبالتالية يسعى لطمس الهوية
للشمس نور يحسب إنّه يغطيّه...
مايدري كفوفه بنوره خفّيّه
مسافره مسافره وجمعت انا اشيائي...
بروح ادور لي ارض غير مأهوله
افكاري مبعثره والمشي عشوائي...
والدرب مخطوور والاحلام مشلوله
بروح امارس جنوني واقتل اعبائي...
مابي خوي يخاويني بهالجوله
بحمل معاي صراحه وقول تلقائي...
وقصة موادع وقطعة قلب منزوله
وشعري وجنوني وفلسفتي مع آرائي...
بأطلق لها عنانها وتقول ما تقوله
في رحلتي مستعده افقد اعضائي...
دام اني آمنت فيها صرت مسؤوله
مليت وانا انطعن بالظهر واستائي...
ماقلت لو مره هالطعن وشهوله؟
مليت اكفر اخطاء ماهي اخطائي...
وادري براعي الخطا واقول من هو له؟
فرقبتي قلاده هي سبة ايذائي...
من قبل لا اولد وهي بالعنق مغلوله
محتاجة للنفس من ضيقة احشائي...
واشوف مفتاح قيدي وما اقدر اطوله
ياناس والله مالي بالكبر حااجه...
انا بسيطه وعزة نفسي تكفيني
اشوف انا الشمس نور الكون وسراجه...
مارحت ادور بداله نور يجديني
قلبي نظيف(ن) يحب الخير وفجاجه...
ماني حقوده اعادي من يعاديني
أدور اعذاار للي زاد في ازعاجه...
باكر زمانه يبدل شينه بزيني
تشوم نفسي مخاوى ناس هراجه...
منهو هرج في قفاهم هارج فيني
الله يتمم عليااا عقلي وانتاجه...
مغيره احد يعرف اقصاي وشفيني
وبيوت شعري دواا للقلب وعلاجه...
ياوسع صدر الدفاتر يوم تحويني
حب البشر في حشايا نار وهاجه...
لكن هالناس عيت لاتخليني
محتاجه اضحك من اقصى القلب محتاجه...
صعبه اغير نفوس الخلق بيديني
أنا أبيك وحش يحتوي داخله عصفور...
وانا ابيك طفل يحتوي داخله رجال
أبيك الأب بالعطف والأخ بالمعسور...
أبيك أمي بالتدليل ومداعب الجهّال
انا أبيك تاج الستر ياعاري المستور...
أعاف العقل وانجن مادامهم عقّال
أبيك المطاع الطايع المنذل المغرور...
انا أبيك جوعي وشبعتي والفقر والمال
أنا أبيك تشكيلة عواطف كما البلور...
أبي تحتوي كل التناقض مع الاشكال
أباصير انا وياك داخل بعضنا ندور...
ياحتى نضيع وين كنا مع المدخال
خلاص انتهى صبري وتلاشت خيوط النور...
أبعلن جنوني وش نلت من عالم العقال؟؟
اشهد انـي لغيـره بالغـلا ماعطيـت
واشهد انه بغاني مير ما مـن عويـن
صحت من قلب ياويلي على اللي هويت
وقمت امسح دموعي من يسار ويمين
لاطرالي حبيبي بصوت واطـي حكيـت
!! إنا لله .... وإنـا للولـي راجعيـن
« first previous
Page 2 of 3.
next last »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.